Rebelët Houthi në Jemen kanë rrëzuar një avion ushtarak të Arabisë Saudite në provincën veriore al-Jawf-it. Pasi është konfirmuar rrëzimi i avionit ata kanë marrë përsipër autorësinë.
Avioni i rrëzuar ka qenë i modelit Tornado dhe ka qenë në mision mbështetës kur është qëlluar, raportoi agjencia shtetërore e lajmeve në Arabinë Saudite.
Koalicioni arab është duke zhvilluar luftimeve kundër rebelëve Houithi që nga viti 2015, kur këta të fundit e rrëzuan nga pushteti qeverinë e njohur nga komuniteti ndërkombëtar.
Rebelët thanë se kanë përdorur raketa tokë-ajër për ta rrëzuar aeroplanin luftarak të premten në mbrëmje. Ata gjithashtu e akuzuan koalicionin për vrasjen e 30 personave gjatë sulmeve hakmarrëse, shkruan “BBC”.
Lufta civile në Jemen ka shkaktuar njërën prej krizave më të rënda humanitare në botë. Rreth 80 për qind e popullsisë prej 24 milionë banorëve kanë kërkuar ndihma humanitare ose mbrojtje.
