Real Madrid është duke kaluar një moment mjaft të vështirë nën drejtimin e Julen Lopeteguit. Madrilenët janë mposhtur nga Levante në “Bernabeu” me rezultatin e 1-2. Kanë qenë dy goditje të shpejta të miqve që kanë nxjerrë jashtë lojë Real-in dhe mbrojtjen vendase, me një Varane që duket më shumë i denjë për një film “horror” , sesa për “Topin e Artë”.
Pas ndeshjes trajneri u shpreh se nuk e mendon largimin dhe se duhet të vazhdojnë të punojnë. Por mund të jetë gjëja e parë për të cilën mendon presidenti Perez, që në minutën e 30-të të takimit është kapur në tribunë me celular në dorë.
Está Florentino creando una cuenta en @InfoJobs ahora mismo? #RealMadridLevante #MadridDeFuturo #Lopetegui pic.twitter.com/QYmpqEzxtT
— O da Limia (@XinzoMemes) October 20, 2018
Natyrisht, rrjetet sociale nuk janë përmbajtur, me disa që kanë shkruar se po nxirrte një lajmërim pune për vendin e trajnerit dhe të tjerë që kanë thënë se po kërkonte në google se ku kishte përfunduar Sergio Ramos i vërtetë.
Ndryshime në horizont? E vështirë të ndodhë, duke parë se dy ndeshjet e ardhshme të Real do të jenë kundër Viktoria Plzen në Champions League dhe kundër Barcelona-s në kampionat. Një ndryshim në stol mund ta përkeqësonte situatën.
