Kur në Spanjë të gjithë tifozët e futbollit janë duke pritur përballjen “El Clasico” mes Real Mdridit djhe Barcelonës, vëmendje të madhe ka marrë edhe një lëvizje e bujshme e madrilenëve. Presidenti Florentino Perez nuk ka hequr dorë nga ylli brazilian Neymar dhe kështu vazhdon të insistojë për ta sjellë në Madrid në merkaton e verës.
Numri një i ‘merengues’ duket se po harton një strategji ku përfshihen miliona dhe kartoni i një futbollisti. Ka qenë “El Chirnguito”, emision televiziv spanjoll, që ka shpjeguar planin e numrit një të “Los Blancos” për të bindur Paris Saint-Germain. Sipas gazetarit Eduardo Inda, Florentino Perez mund të përfshijë në operacion kartonin e James Rodriguez, i cili do të kthehet në Madrid pas huazimit dyvjeçar te Bayern, me gjermanët që kanë vendosur të mos ushtrojnë të drejtën për ta blerë kolumbianin në fund të sezonit.
Real Madrid duket se është gati t’i ofrojë PSG-së James Rodriguez (vlerësohet 50 mln euro) plus 170 milionë euro për të siguruar shërbimet e Neymar në sezonin e ardhshëm. Një plan i studiuar mirë që mund të dështojë vetëm nëse Parisi do të fitojë Champions League.
