Real Madrid është rikthyer tek fitorja në La Liga duke mposhtur Espanyolin me një rezultat të ngushtë 1-0 në “Bernabeu”. Ishte Marco Asensio që dërgoi topin në rrjetë për ti dhënë fitoren madrilenëve në javën e pestë të kampionatit dhe për të marrë kreun përkohësisht, pasi Barcelona luan nesër përballë Gironas.
Espanyol ka zbritur në fushë e interesuar vetëm për të sulmuar dhe mbrojtësit e hedhur në fushë nga Lopetegui vihen mjaft në vështirësi, por nuk ndëshkohen pasi sulmi i nuk tregohet aspak i saktë. Një gabim që nuk e ka bërë Asensio, i cili nuk ka falur në minutën 41-të të pjesës së parë, duke mposhtur portierin Lopez me një diagonale të bukur me të majtën.
Gol ky që është anuluar fillimisht nga arbitri i ndeshjes, por që është konfirmuar më pas nga VAR. Rastet nuk kanë munguar as në pjesën e dytë, me Espanyol që ka goditur traversën në të 65-ën me Iglesias. Vendasit kanë arritur ta mbrojnë avantazhin deri në fund dhe tani kanë shkuar në kuotën e 13 pikëve në renditje, gjashtë më shumë se Espanyol që mban vendin e 6-të.
