Mbrojtësi i ri i Real Madridit, David Alaba ka dalë pozitiv për koronavirusin, tha klubi më i titulluar spanjoll të mërkurën. “Real Madrid C. F. dëshiron të informojë se lojtari ynë, David Alaba, doli pozitiv për Covid-19”, thuhet në deklaratë.
Austriaku Alaba, 29 vjeç, tani do të duhet të mbyllet në karantinë menjëherë pasi mbërriti në Madrid si transferim pa kosto nga Bajerni i Mynihut, ku ka fituar çdo titull klubi të mundshëm, prej më shumë se një dekade. Alaba ka nënshkruar një kontratë pesë-vjeçare me Realin. Sezoni i La Ligës spanjolle fillon në mes të gushtit.
