Real Madrid është duke hartuar një plan që të ‘blindojë’ lojtarët që ka në dispozicion duke iu rinovuar të gjithëve kontratat. Por te ‘të gjithëve’ duket se mungon një emër mjaft i rëndësishëm, ai i mesfushorit kroat, Luka Modric. Perez është i mendimit që Modric nuk garanton më asgjë, duke parë moshën e tij dhe për këtë arsye është lënë jashtë listës.
Kështu Vladica Lemiç, avokati i lojtarit është munduar të kontaktojë me sekretarët e Perez, por u tha që për klientin e tij nuk do të ketë ndryshime. Në vitin 2016 Modriç nënshkroi një kontratë deri në vitin 2020 me një pagë prej 8 milionë eurove neto në sezon. Por duket se Perez e ka marrë tashmë vendimin për Modriçin.
Nga ana tjetër është Inter që qëndron në gatishmëri për të marrë futbollistin. Me ardhjen e Marottas në krye të operacioneve, negocimi mund të marrë një përshpejtim të mëtejshëm. Marrëdhëniet midis CEO-s së Interit dhe menaxhmentit të Realit të Madridit janë të mira dhe mund të bëjë që Modriç të kalojë te zikaltërit duke firmosur një kontratë 4-vjeçare me një pagë 10 milionë euro në vit. Nga ana tjetër në Madrid, po planifikon një blerje të madhe në mesin e fushës.
Bëhet fjalë për Christian Erikseni cili është 26 vjeç dhe është gjithashtu tek Totenhemi, klub nga i cili Reali bleu dhe Modriçin. Vlerësimi i lojtarit shkon në 80 milionë euro dhe këmbëngulja për të mund të tregojë se edhe Mauricio Pochettino mund të jetë një trajner i ardhshëm i Reali të Madridit.
