Real Madrid qëndroi në ‘heshtje’ gjatë merkatos së verës edhe pse u largua një futbollist si Cristiano Ronaldo. Edhe në merkaton e dimrit nuk pritet të ketë goditje të mëdha, por vera e ardhshme pritet të jetë shumë e nxehtë dhe me miliona të derdhura.
Edhe pse Luka Modric momentalisht është një ndër futbollistët më të mirë në qarkullim dhe pritet të fitojë “Topin e Artë”, Real Madrid nuk i beson më. Kjo për faktin se ai është në një moshë 33-vjeçare dhe shumë shpejt pritet që të ketë rënie në formën e tij. Për këtë arsye madrilenët janë në kërkim të zëvendësuesit të tij.
Në krye të listës është Christian Eriksen i Tottenham, por klubi i Premier League do një shifër të çmendur për të. Reali e sheh Eriksen si pasardhësin ideal të kroatit dhe ky mendim përforcohet nga fakti se pikërisht nga Spurs është blerë Modric për 35 mln euro.
Por pronari i Tottenham, Daniel Levy kërkon 250 mln euro për danezin. Kontrata e Eriksen skadon në vitin 2020. Nga ana tjetër pritet të ketë edhe një tjetër goditje të madhe, dhe bëhet fjalë për një nga futbollistët më në zë.
Neymar është një ëndërr për presidentin Florentino Perez dhe pritet të bëhet realitet. Ylli brazilian flitet se ka një pakt me sheikun e PSG-së, që në verë do ta lejoj të largohet por me çmimin që u ble. Paratë nuk janë problem për Real Madridin, duke parë që investimi i fundit i madh daton para shumë vitesh, kur afroi kolumbianin James Rodriguez.
Real Madrid pritet të hedhë 500 milionë euro për dy lojtarë, që të bëjë të mundur edhe njëherë rikthimin në majat e Europës.
