Radio Televizioni Shqiptar ka dalë në një qëndrim sa i përket çështjes së shumëpërfolur ditët e fundit për të pasur të drejtën e transmetimit të një ndeshje falas në javë për teleshikuesit të Kategorisë Superiore. FSHF sqaroi se oferta që kishte bërë “DIGITALB” ishte më e vlefshme ekonomikisht.
Por RTSH ka treguar se ky ishte një mashtrim nga ana e FSHF-së, pasi rrejti publik kishte bërë një ofertë për të transmetuar vetëm një ndeshje në javë dhe jo të gjithë kampionatin. Sipas RTSH, FSHF nuk ka bërë ende publike as kush janë kompanitë e tjera që kanë bërë ofertë të ngjashme apo se sa kanë paguar, në shkelje të legjislacionit shqiptar.
POSTIMI I RTSH
Edhe një herë, për të fundit herë…
RTSH informon publikun në lidhje me të drejtën televizive të Kategorisë Superiore për sezonet 2018-2022.
RTSH ka marrë pjesë në tenderin e të drejtave TV që FSHF ka shpallur ne muajin Prill të këtij viti duke ofertuar vetëm për paketën B të parashtruar në këtë tender. Paketa B e hedhur në treg nga FSHF për eventin në fjalë, kishte të bënte me transmetimin e një ndeshjeje në javë pa pagesë, jo ekskluzive dhe pikërisht për këtë paketë ofertoi edhe RTSH, duke dhënë një shifër të barabartë që jep për ndeshjet e kompeticioneve të tilla si: Europa League, apo European Qualifiers (transmetimet “free”).
RTSH nuk u shpall fituese në këtë paketë B që konkurroi dhe nuk ka deklaruar kurrë se ka dhënë një ofertë më të madhe…
Edhe pse FSHF-së ju deshën dy muaj kohë për të shpallur fituesin e një tenderi me dy ofertues, edhe pse FSHF duhet të sqarojë publikun se kush është përfituesi i paketës B të tenderit, një pikëpyetje e madhe mbetet:
PËRSE FSHF parashtron në një tender një paketë të cilën nuk ka ndërmend ta shesë?!?! FSHF-në nuk e ndalon askush të bëj një tender për transmetimet “PAY” (me pagesë) dhe mos të bëj SHOW duke u përpjekur më së koti të tregoj se po luan “FAIR”.
RTSH nuk mund te konkurroj (ende) në një tender të drejtash për transmetime me pagesë..
FSHF më së paku duhet të publikojë shifrën e shitjes të drejtave televizive që është një detyrim ligjor i saj, jo vetëm për të derdhur në buxhetin e shtetit 10% të vlerës (neni 32 i LIGJIT Nr. 79/2017 PER SPORTIN, Neni 36, pika 2), por edhe për të qenë transparente me klubet, për të cilat FSHF merakoset kaq shumë…
RTSH nuk ka ndërmend të merret me ligjshmërinë e një vendimi apo të organeve që kanë firmosur këtë kontratë të drejtash televizive (nëse janë apo jo të regjistruara në organet e drejtësisë), por do të vazhdojë përpjekjet për ta siguruar këtë të drejtë televizive. Informojmë publikun që SHQIPERIA është nga rastet e rralla në Botë që: Kupën e Republikës, apo Superkupën e vet, e transmeton me pagesë…!
RTSH ka blerë çdo të drejtë televizive sportive që administrohen nga FIFA dhe UEFA duke pasur marrëdhënie të shkëlqyera me ta dhe ndjen keqardhje që nuk ndan të njëjtat marrëdhënie me FSHF (ka 2 sezone resht që RTSH nuk e blen dot të drejtën TV të Kategorisë Superiore në FSHF), edhe pse ka ndihmuar si askush në promovimin e të gjitha aktiviteteve të organizuara nga ky institucion: Kategorisë Superiore (15 vjet resht që e transmeton), Kategorisë se Pare (te vetmit në treg që ofertojmë dhe blejmë të drejtat televizive të një kategorie modeste), Kategorisë Superiore për moshat U19, U17, ndeshjet zyrtare dhe miqësore të gjithë përfaqësueseve të moshave femra dhe meshkuj… Të gjitha këto, kosto të RTSH, me qëllimin e vetëm; edukimin e publikut me aktivitet sportiv, informimin e tij për veprimtaritë futbollistike.
Kërkojmë ndjesë publike që prishim atmosferën e një BOTËRORI spektakolar, jehona dhe mesazhi i të cilit shijohet pa pagesë jo vetëm në Shqipëri, por në gjithë Botën, dhe ndoshta kjo ka qenë arsyeja pse cilësohemi “zhurmues”…
FIFA ka një moto të shenjtë…: FOOTBALL FOR ALL…!
Por kjo është FIFA…
RTSH ju uron shikim të këndshëm të:
FIFA WORLD CUP 2018, 2022
FIFA WORLD CUP CLUBS 2018- 2021
UEFA EUROPA LEAGUE 2018-2021
UEFA EUROPEAN CHAMPIONSHIP 2020
NATIONS LEAGUE 2018,2020 (ndeshjet e SHQIPËRISË)
EUROPEAN QUALIFIERS 2019, 2021 (ndeshjet e SHQIPËRISË)
WIMBLEDON 2018-2020
FORMULA 1 2018-2020
MOTO GP 2018-2021
EUROLEAGUE 2018-2021
