Drejtori i zyrës arsimore në Lezhë, Bardhok Pulaj, ka reaguar pas kallëzimit në Prokurori për përfshirje në fushatën elektorale.
Me anë të një postimi në Facebook, Pulaj shprehet se është i zhgënjyer nga eprorja e tij, ministrja teknike Mirela Karabina, teksa shkruan se ka ndjekur me përpikëri ligjet e shtetit.
Pulaj thotë gjithashtu se është socialist, por kjo nuk e pengon t’i shërbejë me ndershmëri e profesionalizëm misionit të tij.
“Nuk kisha menduar kurre qe per punen qe bej me pasion e ndershmeri, vetem ne respekt te ligjit, te kallezohem penalisht nga eproja ime qe vetem njehere i kam dhene doren dhe nuk kam komunikuar kurre per asgje per punen time si drejtor i DAR Lezhe apo per angazhimin tim politik. Une i njoh dhe respektoj mire ligjet dhe urdherat e ketij shteti.
Nje nga arritjet e medha te kesaj qeverie dhe ministres Nikolla eshte depolitizimi i arsimit dhe kjo eshte bere me se miri dhe nga Dar Lezhe qe une drejtoj prej tre vitesh e gjysme. Ne asnje rast nuk kam marre pjese ne asnje veprimtari politike qe nga dalja e urdherit, megjithese jam qytetar i lire i ketij vendi dhe socialist njekohesisht. Kjo s me pengon ti sherbej me ndershmeri e profesionalizem misionit per respekt ndaj mesueseve dhe dijes se nxenesve.
Thjeshte me vjen keq qe emri im doli ne media dhe e mora vesh prej tyre.
Misioni vazhdon. Respekte”, shkruan Pulaj.
