Kreu i Grupit të PS, Taulant Balla nga foltorja e Kuvendit ka folur në lidhje me akuzat që janë ngritur ndaj tij për rastin “Xhisiela”.
Balla tha se kjo ngjarje është një shantazh nga opozita, por e vërteta do të zbardhet deri në fund dhe do të shikohet se kush qëndron pas saj. Balla ndër të tjera i bëri thirrje Prokurorisë që të vijojë hetimet dhe të mos i vonojë me.
“Ishte konfirmimi më i qartë se kush e ka bindje dhe angazhim politik vettingun në politikë dhe kush erdhi me zorrë për të votuar dy vite më parë. Për shkak të udhëtimeve të kryetarit të Partisë Demokratike, jashtë shtetit nuk kishin hotel ku të strehoheshin sot. E dinë shumë mirë që nuk kanë as program, as lidership e as program. Ata kanë hallin e Lulzim Bashës, sot mungojnë për t’i dhënë mbështetje vettingut të drejtësisë.
Këto na ndajnë nga ata, se ne kemi vullnet dhe përgjegjshmëri për të vijuar reformën. Në fillim të shtatorit na kanë kërkuar Pazar, për të ndryshuar 7 ligjet e reformës në drejtësi, por ne nuk kemi pranuar dhe nuk pranojmë kurrë këto pazare.
Prokurorisë i kërkoj që të hetojë dhe mos të zvarrisë me muaj të tërë. Në pak ditë të vërtetohet nëse unë kam qenë në komisariat me Rrahman Rrjaën, apo dhe me Artur Bushin. U garantoj se kjo histori do të jetë një histori turpi e Lulzim Bashës, një shantazh. Por unë e garantoj që nuk shantazhohem kurrë, por i them sot se Grupi i PS-së javën e kaluar ka nxjerrë prova të qarta se Basha ka shantazhuar bizneset”.
