Rasti i vrasjes së njeriut me ngjyrë George Flyod në Shtetet e Bashkuara të Amerikës, duket se është përsëritur në Republikën Çeke.
Në një video të shpërndarë gjërësisht në rrjetet sociale, shikohet se si një punonjës policie, vendos këmbën mbi qafën e një romi 46-vjecar i quajtur Stanislav Tomas, i cili vdiq në ambulancë teksa po transportohej për në spital.
Anëtarët e komunitetit rom të vendit e kanë krahasuar atë me vdekjen e George Floyd, njeriu me ngjyrë nga Minneapolis në SHBA, i cili vdiq në duart e oficerit Derek Chauvin më 25 maj 2020.
Por, policia dhe qeveria çeke deri tani kanë mbrojtur veprimet e oficerëve dhe kanë refuzuar akuzat për brutalitet në rrjetet sociale, duke thënë se incidenti nuk është një ‘Floyd çek’.
Sipas autoriteteve, shkaku kryesor i vdekjes së romit ishte mbidoza, por organizatat e te drejtave rome thanë se incidenti tregon mënyrën tipike sesi ato trajtohen nga institucionet çeke.
Duke cituar “ngjashmërinë e dukshme” midis kësaj çështje dhe asaj të Floyd, anëtarët e Këshillit të Qeverisë Çeke për Çështjet e Pakicave , u bënë thirrje autoriteteve që t’i japin përparësi një hetimi të plotë për vdekjen e 46-vjeçarit.
Žádný “český Floyd”. Zákrok proti několikanásobnému recidivistovi, který pod vlivem OPL demoloval auta ve svém okolí a nedbal žádných výzev policistů, proběhl v souladu se zákonem a neměl žádnou souvislost s úmrtím zemřelého. Potvrdila to soudní pitva. https://t.co/JLMvFEOZ0F
— Policie ČR (@PolicieCZ) June 21, 2021
