Ministri i Drejtësisë Ulsi Manja, i ka mëshuar fort faktit se Reforma në Drejtësi po jep rezultate, ndërsa ka shprehur qëndrimin e tij sa i takon arrestimit të ish-deputetit socialist Alqi Bllako. Ndonëse i është shmangur komentit të shtimit të rasteve nga deputetët socialistë përpara drejtësisë, ai u shpreh se mazhoranca që kemi sot ka krijuar Reformën në Drejtësi e cila po jep rezultat. Po sipas tij, “duhet ta lëmë Reformën në Drejtësi të bëj punën e saj edhe në rastin e Bllakos”, tha Ulsi Manja.
Manja komentoi edhe çështjen sa i përket kadastrave të vendit. Ai tha se ka pasur një hetim të thelluar mbi çështjet e pronave dhe kadastrave në vend, dhe përgjegjësit kanë marr dënimin e merituar.
Hetimi sipas tij, vijon dhe do të ketë rezultate të tjera shumë shpejtë. “Ka pasur hetim edhe për sa i përket kadastrës së Vlorës, hetim ky i cili ka nisur nga punonjësi më i thjesht deri në strukturat më të larta pa pasur përjashtime, teksa rezultatet do të shprehen shumë shpejt”.
