Gjykata më e lartë e Tajvanit ka urdhëruar një djalë që t’i paguajë nënës së tij pothuajse 1 milion dollarë pas ngritjes së klinikës së tij dentare, si pakt i bërë mes tyre pasi nëna e tij e kishte financuar gjatë shkollimit për stomatologji.
Nëna nënshkroi një kontratë me djalin, kur ishte 20 vjeç, duke deklaruar se do të paguante 60% të të ardhurave të tij mujore. Ajo e solli atë në gjykatë pasi ai nuk i kishte paguar për disa vite.
Djali argumentoi se ishte e gabuar t’i kthente paratë, por gjykata vendosi që kontrata ishte e vlefshme.
Nëna, e identifikuar vetëm me emrin e saj Luo, kishte dy djem pasi ishte divorcuar nga burri.
Zonja Luo tha se kishte shpenzuar qindra mijëra dollarë duke financuar të dy djemtë e saj, pasi ata studiuan për stomatologji, por u shqetësua se ata nuk do të kujdeseshin për të në pleqëri.
Më pas, ajo nënshkroi një kontratë me të dy ata që përcaktonin se do t’i paguanin një pjesë të fitimeve të tyre si pagesa për tarifat e shkollës, deri në një total prej 1.7 milion dollarë.
Biri i madh në bazë të marrëveshjes me nënë ia kishte shlyer një sasi parash.
Megjithatë, djali më i vogël, i identifikuar me emrin Chu, argumentoi se ai ishte shumë i ri kur nënshkroi marrëveshjen dhe se kontrata duhet të konsiderohet e pavlefshme.
Chu gjithashtu argumentoi se ai kishte punuar në klinikën e nënës së tij për vite me radhë pas diplomimit dhe e kishte ndihmuar atë.
Një zëdhënëse e Gjykatës Supreme i tha BBC-së se gjyqtarët kishin marrë vendimin për shkak se mendonin se kontrata ishte e vlefshme që kur djali ishte një i rritur kur e nënshkroi dhe nuk ishte e detyruar ta bënte këtë.
Ky rast shihet i pazakontë sepse përfshin një kontratë prind-fëmijë.TIRANA TODAY
