Ndoshta do ju duket çudi por stafi i një spitali është shkarkuar, pasi kanë operuar në kokë pacientin e gabuar. Kjo papërgjegjshmëri ka prekur të gjithë stafin.
Një pacient duhet t’i nënshtrohej një ndërhyrje kirurgjikale në kokë, për mpiksje të gjakut në tru, ndërsa tjetri kishte nevojë vetëm për një trajtim jo-invaziv për ënjtje.
Mjekët në një spital në Kenia kanë gabuar në identifikimin e pacientëve. Kjo bëri që mjekët të operojnë pacientin e gabuar, për një sëmundje që nuk e kishte. Pas disa orësh në operacion dhe kërkim për mpiksje të gjakut, kuptuan që nuk kishte askund mpiksje gjaku.
Mediat e huaja bëjnë me dije se pacienti i operuar gabimisht është në gjendje të mirë shëndetësore. Por kjo nuk do të thotë se mjekët nuk do të përballen me ligjin.
Për të gjithë stafin e spitalit, është nisur një hetim. Po kështu pritet të mbahet një seancë dëgjimore për këtë rast, ndërkohë që përdoruesit e mediave sociale kanë shprehur indinjatën se si mund të lejohet të ndodh një incident i tillë.
Incidenti ka ndodhur vetëm 6 javë, pasi ministri i Shëndetësisë urdhëroi që të nisej një hetim brenda këtij spitali, pasi nënat e reja kishin denoncuar se janë abuzuar seksualisht.
