Shqipëria edhe pse ka mundësi shumë të mira për prodhimin e energjisë përmes burimeve të rinovueshme me anë të erës apo edhe të paneleve diellore kjo nuk shfrytëzohet aspak-shkruan Tirana Today.
Pasuritë hidrike dhe lumenjtë në zonat malore janë zaptuar duke ndërtuar HEC-et, ndërsa kjo qasje ka krijuar një efekt zinxhir në habitatin e zonës. Rasti më i fundit në Shqipëri, është lumi i Valbonës në Tropojë, i cili është kthyer në një kantier ndërtimi-shkruan Tirana Today.
Në raportin e EUROSTAT, thuhet se vendi ynë ka kushte të shumta për prodhimin e energjisë së rinovueshme, pasi duke marrë në shqyrtim shtrirjen gjeografike dhe kushtet që ofron Shqipëria, ajo mund të krahasohet më vendet nordike. Ndërtimi i HEC-ve në Valbonë, është kritikuar nga shoqëria civile me pretendimin se zona po humbet bukurinë, ndërsa kanë apeluar që të ndalohet betonizimi i lumit të Valbonës.
Gjithashtu në raportin e EUROSTAT, thuhet se Shqipëria ka potencial të jashtëzakonshëm, ndërsa nënvizohet se edhe përgjatë viteve të ardhshme ajo ka mundesi për prodhimin dhe shumëfishimin e burimeve të rinovueshme.
Sipas krahasimit që ka bërë Eurostat Shqipëria dhe Islanda kanë përdorimin më të lartë të energjisë së rivonueshme në Evropë përkatësisht me 69.4 dhe 72.6 %.
“Ndërkohë në vendet e tjera ky tregues është shumë herë më i ulët. Shqipëria e ka të lartë përdorimin e energjisë së pastër për shkak të përqendrimit të prodhimit te brendshëm nga hidrocentralet me rreth 100 për qind të totalit”-thuhet në raportin e EUROSTAT. TIRANA TODAY
