Cristiano Ronaldo është kryefjala e futbollit në mbarë botën, pas atij supergoli të shënuar në çerekfinalen e Campions League përballë Juventusit. Ylli portugez tregoi edhe njëherë se është në një formë të jashtëzakonshme edhe pse mosha e tij tashmë është 33 vjeç. Ronaldo është duke shijuar një “rini të dytë” dhe këtë e faktojnë edhe raportet mjekësore.
Mediat spanjolle tregojnë historinë fizike të Cristianos, i cili ka të dhëna që ngjasojnë me një futbollist 23-vjeçar dhe nuk i përshtaten aspak moshës së tij. Ronaldo raportohet të ketë një përmbajtje yndyre prej 7%. Lojtarët normalë kanë 10 ose 11% përmbajtje yndyre në trupin e tyre.
Portugezi gjithashtu ka një maskë muskulore 50%, një shifër e jashtëzakonshme pasi futbollistët normalisht nuk e kalojnë shifrën 46%. Të gjitha këto të dhëna tregojnë se Ronaldo ka moshë biologjike të një futbollisti 23-vjeçar dhe jo 33-vjeçar.
