Raporti i OSBE-ODIHR rreshton të gjitha pasaktësitë, shkeljet ligjore dhe ato që kanë ndodhur para dhe ditën e zgjedhjeve të 25 qershorit. Në raport flitet për shitblerjen e votës gjatë fushatës por dhe ditën e zgjedhjeve. Theksi vendoset tek shitblerja por dhe tek incidentet që ndodhën në ditën e votimit. Presioni i ushtruar ndaj votuesve dhe rastet e shitblerjes janë publikuar në media thuhen në raport. Por gjithashtu është dënuar shtyrja e votimit me një orë. Sipas këtij raporti, nuk kishte asnjë bazë ligjore dhe asnjë indicie që votimi të shtyhej më një orë më tepër. Në raport shkruhet se u shkaktua konfuzion në disa qendra votimi.
Në raport thuhet se “ dita e zgjedhjeve vazhdoi kundrejt një sfondi akuzash për blerjen e votave dhe incidentet lidhur me fushatën në qendrat e votimit dhe presionin e supozuar ndaj votuesve, të cilat u raportuan dhe u përforcuan nga mediat.
Njëzet minuta para mbylljes së sondazheve, për shkak të pjesëmarrjes së ulët, por pa baza ligjore, KQZ njoftoi një zgjatje prej një ore për të votuar për të lejuar më shumë votues të votonin. Ky ndryshim rezultoi në një zbatim jo konsistent të vendimit dhe shkaktoi konfuzion në qendrat e votimit, me disa prej tyre duke mbyllur përpara kohës së re, duke mohuar disa votues mundësinë për të hedhur votën e tyre. KQZ njoftoi pjesëmarrjen përfundimtare të votuesve me 46.8 për qind.” (Tirana Today)
Raporti i OSBE-ODIHR by Tirana Today on Scribd
