Bandat puliane konfirmohen si kanale referimi për narkotikët e drogës. Kështu doli nga raporti i fundit i Dia-s në Parlament, ku, duke u ndalur tek fenomeni i trafikut të drogës në rrugën Shqipëri-Puglia- Adriatik, konfirmohet se krimi i organizuar në Pulia, duke shfrytëzuar kanalet e furnizimit vendas dhe të huaj, mbikqyr flukset e drogës. Sasitë e drogës vijnë kryesisht nga ana e Adriatikut, më pas kalojnë nëpër rajon dhe në fund drejtohen drejt qendrave kombëtare dhe të huaja të narkotrafikut.
Sipas hetuesve të Dia-s, marrëdhëniet me bandat kriminale shqiptare mbeten të konsoliduara, të cilat përfaqësojnë një burim të rëndësishëm furnizimi me marijuanë, heroinë, drogë sintetike me origjinë aziatike dhe kokainë të importuar në Shqipëri nga narkotikët kolumbianë. Në këto raporte del në pah tendenca e grupeve kriminale shqiptare për të përdorur kanalet e menaxhuara nga bandat puliane, për transportin e drogës në tregun ndërkombëtar.
Sipas Dia-s, rezultatet e operacioneve të shumta të kryera në territorin rajonal të cilat kanë vërtetuar aftësitë e krimit pulian në lidhje me procedurat e zbarkimit dhe ruajtjes së drogës, janë të rëndësishme në këtë kuptim.
Burimi i lajmit: trmtv.it. Përshtatur nga Tirana Today
