Kryetari i Partisë Demokratike ka reaguar lidhur me raportin “Doing Business 2018”, të publikuar dje nga Banka Botërore, ku Shqipëria rezulton se ka humbur 7 vende nga renditja.
Sipas Bashës, faktori kryesor i këtij përkeqësimi është rritja e taksave dhe e detyrimeve, ndërsa përmend edhe renditjen e vendeve të rajonit, të cilat kanë përparësi krahasuar me Shqipërinë.
Deputeti demokrat shkruan se mesazhi është mjaft i qartë, pasi sipas tij, investitorët e shohin Shqipërinë si zgjedhjen e fundit për të investuar.
POSTIMI I BASHËS:
BANKA BOTERORE KONFIRMON: RRITJA E TAKSAVE PO RRENON EKONOMINE SHQIPTARE.
Shqiperia humbet 7 vende ne vleresimin e Raportit te Bankes Boterore “Doing Business 2018”.
Faktori kryesor i ketij perkeqesimi eshte rritja e taksave dhe detyrimeve, duke humbur plot 28 vende per kete arsye. Raporti shprehet se 37.3% e fitimit shkon per taksa dhe kontribute, nderkohe qe qeveria zvarrit pafundesisht rimbursimin e TVSH-se.
Fqinjet tane vazhdojne te kene nje renditje me te mire sesa Shqiperia e cila renditet ne vendin e 65. Maqedonia renditet ne vendin e 11, Kosova ne vendin e 40, Mali i Zi ne vendin e 42, duke treguar perparesi krahasuar me Shqiperine.
Edhe kete vit, ashtu si vitin e kaluar, mesazhi eshte shume i qarte:
Investitoret e huaj qe duan te investojne ne Ballkan, e shohin Shqiperine si zgjedhjen e fundit. Jane vendet fqinje (Maqedonia, Kosova dhe Mali i Zi) te cilat do te jene me te afta per te thithur investitoret e huaj.
