Të gjithë ata që kanë pësuar humbje dhe mashtrime nga kompani OSI Systems, kanë në dispozicion dhe janë të hapur të bëjnë paditë e tyre deri në shkurt të këtij viti. Gjykata nuk kërkon që paditësit të jenë si dëshmitarë kryesorë, pasi nuk është kusht i domosdoshëm kjo pjesë, por kjo do të shërbejë më shumë si një “deponim”-shkruan Tirana Today
Ankesat mund të depozitohen deri në 5 shkurt të këtij viti, ndërsa kompania është futur në harkun e një rënieje, e cila është tronditur nga skema mashtruese e koncesioneve në skanimin e kontenierëve në Shqipëri-shkruan Tirana Today.
Si nisi kjo skemë korrupsioni- Në vitin 2013 qeveria e Shqipërisë miraton një kontratë konçesionare me vlerë deri në 250 milionë dollarë për skanimin e kontenierëve. Firma fituese e kontratës është kompania amerikane Rapiscan, degë e firmës së OSI Systems”, ose OSIS, kjo e shënuar sipas inicialeve të tregëtimit në bursë. Në vendin tonë, Rapiskani është regjistruar me emrin S2 Albania.
Pas disa muajsh të nënshkrimit të kontratës, Rapiskani, ose me emrin në Shqipëri si S2 Albania i kalon 49% të kuotave një firme shqiptare e njohur me inicialet ICMS në pronësi të Olti Peçnit, me profesion mjek. Partneriteti, në bazë të ligjeve në Shtetet e Bashkura, duhej të pasqyrohej në dokumentet financiare të firmës OSIS, si një kompani që shkëmbehet në bursë. Kontrata u kritikua në Shqipëri si nga biznesi për tarifat e larta për skanimin e ngarkesave, por edhe nga opozita e asaj kohe.
Por në këtë skemë raportohet se është i përfshirë dhe ish-kryeministri Sali Berisha, pasi mendohet se ka përfituar qindra milionë dollarë nga kjo skemë mashtruese.Kjo tërhoqi vëmendjen e firmës investuese Muddy Waters Research, e cila filloi hetimet e veta dhe zbuloi se firma OSIS e kishte mbajtur të fshehtë kalimin e 49 për qindësisht tek firma ICMS dhe për më tepër, ky 49 përqindësh, me një vlerë mbi 100 milionë dollarë, ishte blerë për vetëm 4 dollarë e gjysmë.
Pas hetimeve të mëtejshme, Muddy Waters, në një raport të botuar javën e kaluar, arrin në përfundimin se firma OSIS e ka fituar kontratën në Shqipëri përmes korrupsionit, duke u dhënë ryshfet zyrtarëve shqiptarë. Në një intervistë të gjatë për Zërin e Amerikës, nga San Francisko, ku janë zyrat e kompanisë, shefi i firmës “Muddy Ëaters”, Carson Block, shpjegon arsyet se përse është i bindur se marrëveshja e Rapiskanit është një rast korrupsioni.
Përfshirja e ish-kryeministrit Sali Berisha- Investigimi i Bloomberg ka zbardhur edhe skemën e ryshfetit. OSI Systems/Rapiscan, me qendër në Kaliforni ka marrë nga Sali Berisha një kontratë prej 250 milionë dollarësh dhe vetëm disa muaj më pas shiti 49% të aksioneve tek një kompani shqiptare, e cila administrohet dhe është në pronësi të një mjeku. Shefi i firmës, Muddy Waters, liston argumentat që implikojnë dhe nxjerrin veprimtarinë e kësaj kompanie si të përfshirë në skemat e mashtrimit dhe të korrupsionit në fushën e koncensioneve. TIRANA TODAY
