Deputetja Donika Kadaj-Bujupi është rikthyer në partinë ku ka qenë më herët. Këtë lajm e ka bërë publik vet kryeministri, Ramush Haradinaj. Përmes një statusi në “Facebook”, Haradinaj tha se deputetja Bujupi do t’i shërbejë Aleancës për Ardhmërinë e Kosovës.
Gjithashtu i pari i qeverisë së Kosovës theksoi nevojën për një bashkëpunim për proceset politike në vend, si shenjë përparimi dhe obligimi politik.
Postimi i Haradinajt
Me deputeten e Kuvendit, Donika Kadaj-Bujupi, bashkëbiseduam për zhvillimet aktuale politike në Kosovë. Nga sot, Donika i rikthehet Grupit Parlamentar të Aleancës për Ardhmërinë e Kosovës. Rrugëtimin nëpër proceset politike në vend do ta vazhdojmë bashkërisht.
