Kryeministri Edi Rama i është përgjigjur pyetjes së gazetarëve. Ai foli lidhur me blerjen e kompanisë së telekomunikacionit “Telekom Albania” nga “Telekom Serbia”.
Një ditë më parë presidenti i Serbisë Aleksandar Vuçiç, është shprehur se do të komunikojë më kryeministrin Edi Rama, lidhur me këtë blerje.
Kryeministri Edi Rama foli publikisht kundër ofertës së Telekom Serbia e cila ka bërë ofertë të lartë për blerjen e T Mobile në Shqipëri.
“Qeveria shqiptare nuk është pjesë e transaksionit. Do të kryejë një kompani private si Deutsche Telecom, e cila ka një strategji tërheqjeje nga tregjet e vogla. Ajo po bën shitje jo vetëm në Shqipëri, me kompaninë që do të zgjedhë të shesë biznesin.
Por ky është një sektor strategjik dhe qeveria shqiptare pyetet. I kërkohet mendim nga vetë ata që janë të interesuar. Qendrimi i qeverisë shqiptare është shumë i thjeshtë dhe shumë i qartë:
Bizneset serbe janë të mirëpritura në Republikën e Shqipërisë. Por, në këtë sektor strategjik nuk është preferenca jonë”, tha Rama të martën në një dalje për mediat nga Kryeministria.
Edhe pse shoqëria serbe ka bërë ofertën më të lartë pranë Deutche Telekom, shteti shqiptar nuk e mirëpret ardhjen e kësaj kompanie. Mësohet se ajo që mund të bindë serbët për t’u tërhequr nga gara.
Në rast se kjo shoqëri do të shpallej fituese, asaj nuk i është premtuar qëndrimi si abonentë i institucioneve shtetërore.
Pothuajse të gjitha ministritë dhe krerët e tyre, pjesa më e madhe e administratës publike e deri te kryeministri i vendit, janë abonentë të kompanisë T-mobile.
