Kryeministri Rama ka deklaruar se do të shpallë këtë të dielë, më 27 gusht qeverinë e re.
Këtë e bëri të ditur gjatë fjalimit të tij në takimin me ambasadorët në ministrinë e Jashtme.
Kryeministri zbuloi gjithashtu një “surprizë” për kabinetin e ri, për të cilin tha se do të ketë një ministri të re për shqiptarët jashtë atdheut, e cila do të quhet ministria e Shtetit.
Gjithashtu, Rama konfirmoi se ministri i Jashtëm nuk do të jetë Ditmir Bushati, por pritet të përcaktohet një tjetër emër në vendin e tij.
“Pjesë e kësaj teme është edhe bashkëpunimi me diasporën që le shumë për të dëshiruar. Me forcat e reja në diasporë për të bërë përputhjen mes kohës së re dhe shërbimit tonë të jashtëm në funksion të Shqipërisë së re. Në funksion të kësaj, qeveria jonë do ketë një ministri shteti për shqiptarët jashtë atdheut. Pas shpalljes së qeverisë re ditën e dielë, do t’i kërkoj ministrit të ri të organizojë një takim tre ditor me ju për të nisur një diskutim të hapur në funksion të rolit që duhet ndërmarrë menjëherë shërbimi i jashtëm, për të përcaktuar objektiva realiste me një stil pune ndryshe nga deri tani”, tha Rama.
