Kryeministri Edi Rama në një takim të zhvilluar me banorët rreth zonës së Amantias në Vlorë tha se vlonjatet nuk duhet të votojnë për Vangjel Dulen sepse ai tradhtoi minoritetin grek dhe e ka shumë të lehtë që t’i tradhtoi ata. Gjithashtu, Rama tha se nuk kishte menduar kurrë se do të shikonte çiftin ndërmjet Vangjel Dules me Dashin e Havasë.
“PD-ja, në Vlorë, ka sjell një çift që kurrë nuk mendoja se do t`i shikoja bashkë. Është çifti më i çuditshëm ai i Vangjel Dules me ‘Dashin e Havasë’. Vangjeli e tradhtojë minoritetin grek dhe imagjino se sa besnik do t`i rrije Vlorës. I them vlonjatëve se sa me shumë të votoni Partinë Demokratike aq më shumë e keni Vangjelin në parlament. Ju them demokratëve që Lulin dhe Berishën do ta keni në parlament, se ata vetëm atë punë dinë të bëjnë të flasin se për gjë tjetër nuk janë. Dyshi është i socialistëve dhe fitorja e demokratëve. Keni një lajm historik. Po të votoni PS-në keni brenda dhe PD-në”, tha Rama.
