Kryeministri Edi Rama ka uruar mëngjesin e sotëm të gjithë besimtarët, që festojnë Pashkët Ortodokse.
Kreu i qeverisë ka shpërndarë në Facebook një video nga Opera Kombëtare e Parisit, duke e cilësuar atë si një dhuratë të bukur për këtë festë, e cila ndryshe nga herët e tjera po festohet në izolim, për shkak të përhapjes së koronavirusit.
Në video shfaqen njerëz të ndryshëm që kërcejnë apo bëjnë ushtrime fizike nga shtëpitë e tyre, në këto kohë karantinimi.
“Me një dhuratë të bukur nga Opera Kombëtare e Parisit për të gjithë ju dhe me një urim për besimtarët ortodoksë në këtë të diel paqeje dhe reflektimi”, shkruan Rama në postimin e tij.
