Nga qyteti i Korçës, ku po zhvillon një takim me strukturat e LRI, Kryemadhi u ka bërë thirrje të rinjve të bashkohen nesër me studentët. Kryetarja e LSI, Monika Kryemadhi, tha ndër të tjera se protesta e studentëve, është një mësim mjaft i mirë për politikën.
“Mos ndalni nesër që të vazhdoni dhe tu bashkëngjiteni atyre djemve dhe vajzave të Tiranës, që po qëndrojnë në temperatura minus para Kryeministrisë. Në atë grup të jashtëzakonshëm studentësh, por edhe këtu te ju do të jetë kryeministri i ardhshëm i Shqipërisë.
Para se të vazhdojmë, unë dua të jap disa mesazhe që nëpërmjet jush të shpërndahen në të gjithë Korçën, dhe në të gjithë shtëpitë e fermerëve në fshatrat e Korçës, në Pogradec ishim. Por dua t’ju them diçka të sinqertë, se protesta e studentëve është një mësim shumë i mirë për ne.
Është një mësim shumë i mirë për të kuptuar që kur jemi të gjithë bashkë, nuk na ndalon dot askush. Protesta e studentëve është një mësim shumë i mirë për të gjithë klasën politike. Kur shikojmë diçka të padrejtë, duhet të reagojmë. Prandaj thirrja ime për ju është bashkohuni me studentët, për studentët”, tha Kryemadhi.
