Gjatë mbledhjes së grupit parlamentar të PS, Rama është kujdesur për tu dhënë mesazhe të qarta deputetëve. Në mbledhjen me dyer të mbyllura, Rama u ka kërkuar deputetëve të mos mungojnë në votimin e projektligjit për “Lojërat e fatit”.
Kryeministri është shprehur se ligjin do ta votojnë me shumicë. Po ashtu Rama i ka bërë thirrje opozitës që t’u bashkohet, për të votuar ligjin këtë të enjte në seancën e Kuvendit.
“Ligjin për “Lojërat e fatit” do ta votojmë me shumicë, dhe është i lutur çdo deputet i opozitës t’i bashkohet votimit. Të gjithë duhet të jeni në seancën e së enjtes, për të votuar ligjin për “Lojërat e fatit”.
Asnjë të mos mungojë në seancën e së enjtes. Po kështu do iu kërkoja që të gjithë të denonconi çdo shpifje, duke firmosur dhe kaq. Ka ekip që e ndjek”, mësohet se ka thënë Rama në mbledhjen e grupit.
