Kryeministri Edi Rama ka folur për marrëveshjen e 17 majit me kreun e opozitës, Lulzim Bashën, ku i dha fund ngërçit politik që kish përgjunjur vendin për më shumë se 1 vit.
Rama i pyetur në emisionin “Përballë”, nëse synon një marrëveshje me opozitën për qeverisjen e legjislaturës, Rama tha se ekziston një marrëveshje me opozitën dhe uron që ajo mos ketë vdekur bashkë me zgjedhjet.
“Ne kemi një marrëveshje dhe unë uroj që ajo marrëveshje të mos ketë vdekur bashkë me zgjedhjet dhe me rezultatin shumë larg pritshmërive që mori Partia Demokratike, edhe pse me shumë keqardhje pashë një shprehje krejtësisht në kundërshtim me frymën e marrëveshjes kur lexova një paçavure të gjatë që një departament i PD-së çonte në Bruksel për të nxirë faqen e Shqipërisë.”
