Kryeministri Edi Rama është takuar me kancelarin e Gjermanisë, Olaf Scholz gjatë qëndrimit të tij në Berlin si pjesë e Kongresit të Partive Socialiste Europiane. Vetë Rama ka shpërndarë disa foto në Facebook nga takimi me Scholz, por ende nuk dihet se çfarë kanë biseduar së bashku. Po ashtu, Rama bën me dije se do të jetë kancelari i Gjermanisë, ai i cili me anë të një fjalimi do të mbyllë këtë kongres.
“MIRËMËNGJES
dhe nga Berlini, ku sot në mesditë mbyllet me fjalimin e kancelarit Scholz, Kongresi i Socialistëve dhe Demokratëve Europianë, ju uroj një fundjavë të mbarë”, shkruan Rama.
Një ditë më parë, Rama deklaroi në Kongresin e Partisë së Socialistëve Europiane që po zhvillohet në Berlin se në kushtet e krizës energjetike, Europa e bashkuar nuk duhet që ta braktisë Ballkanin Perëndimor, si në rastin e pandemisë së koronavirusit.
