Kryeministri Rama bëri sot deklarata të forta lidhur me presidentin Meta, teksa është indinjuar pas mosdekretimit të Sandër Lleshit, si ministër i Brendshëm.
Madje, Rama tha se edhe sikur Meta të hidhet përpjetë, qeveria do i shkojë deri në fund emërimit të gjeneralit Lleshi si ministër.
Por, ndërkohë çfarë po bën ndërkohë presidenti Meta?
Pikërisht gjatë fjalës së Ramës, Presidenca ka shpërndarë një njoftim, të shoqëruar me një foto, ku shfaqet Meta në avion. Ky i fundit do të zhvillojë një vizitë zyrtare në Kalabri, në kuadër të Vitit Mbarëkombëtar të Gjergj Kastriotit Skënderbeut.
“Gjatë kësaj vizite, kreu i shtetit shqiptar, do të takohet me Presidentin e Republikës italiane, Sergio Mattarella dhe së bashku do të vizitojnë Kolegjin e Shën Dhimitër Koronës, ku do të takohen me arbëreshët, përfaqësuesit dhe autoritetet e tyre vendore, drejtuesit e bashkësive fetare arbëreshe, personalitete të ndryshme, pedagogë, studentë arbëreshë.
Presidenti Meta pritet të zhvillojë takime zyrtare edhe me drejtuesit dhe përfaqësuesit vendorë të rajonit të Kalabrisë si dhe të vizitojë Universitetin e Kozencës, në të cilin shkollohen shumë studentë arbëreshë dhe shqiptarë”, thuhet ndër të tjera ën njoftim, ku shpjegohet agjenda e Metës.
