Nesër pasdite kryeministri Edi Rama ka thirrur në një takim të gjithë kandidatët për deputetë, për të diskutuar pikërisht për fushatën zgjedhore. Pas takimit, të njëjtat burime konfirmojnë se do të shtrohen në një darkë tek “Xibraku”.
Takimi wshtw thirrur një ditë pas arritjes së marrëveshjes me kryeopozitarin Lulzim Basha, ku u vendos që zgjedhjet e përgjithshme të mbahen më 25 qershor, dhe kur e ndajnë pak ditë nga hapja zyrtare e fushatës zgjedhore.
Marrëveshja e arritur dje mes PS dhe PD nis me zgjedhjet, ku partitë i sugjerojnë Presidentit të Republikës që të dekretojë datën e re të zgjedhjeve, më 25 qershor. Do të nisë regjistrimi i menjëhershëm i partive politike të opozitës dhe regjistrimi i listave shumemërore të partive të opozitës brenda datës 26 maj 2017.
