Kryeministri Edi Rama ka njoftuar finalizimin e kontratës të projektit më të madh infrastrukturor, Rrugës së Arbrit.
Në mbledhjen e sotme të kabinetit dhe grupit parlamentar të PS-së, kryeministri është shprehur se brenda 30-40 ditësh do të finalizohet kontrata për Rrugën e Arbrit.
“Për deputetët që kanë bërë përpjekjeje e tyre të vazhdueshme, të cilët vijnë nga zona e Dibrës: Procesi për kontratizimin e Rrugës së Arbrit është në veprim, ministria ka nisur kontratën me kompaninë fituese. Jemi shpresë plotë që në harkun 30-40 ditëshe do të finalizohet kontrata për rrugën e Arbrit. Do të kemi pikë në rendin e ditës mes dy qeverive, nevojën që nga pala maqedonase që kësaj rruge t’i bëhet lidhja, së brendshmi dhe në rrugë rajonale. Gjithë buxheti ka një kahje qartësisht të lexueshme në funksion të turizmit, si një burim ende i pashfrytëzuar sa duhet”, tha kreu i qeverisë.
Po ashtu, kryeministri foli dhe për buxhetin, teksa tha se qeveria synon të arrijë rritjen ekonomike mbi 5 %.
“Synimi ynë është të kalojmë rritjen ekonomike mbi 5%, pasi kjo do të thotë rritje ekonomike për çdo familjet”, u shpreh Rama.
