Kryeministri Rama ka reaguar me anë të një postimi në Twitter, sa i takon sulmit kibernetik. Ai mbetet me shpresë se nëse s’do kemi surpriza të tjera, shërbimet do rikthehen shumë shpejt. Reagimi i tij pason pas atij të presidentit Meta, i cili ka kërkuar marrjen e të gjitha masave për rritjen e sigurisë kibernetike, për të parandaluar ngjarje të tilla.
Pak më herët, zyra e shtypit e Kryeministrisë ka garantuar qytetarët se asnjë nga sistemet dhe shërbimet qeveritare nuk është prekur. Qeveria siguron se për shkak të reagimit të shpejtë, asnjë informacion nuk është kompromentuar dhe të dhënat qeveritare janë të paprekura dhe të sigurta.
Ja se çfarë shkruan Rama
“Kundërofensiva e AKSHit dhe aleatëve në përballjen e agresionit kibernetik mbi Shqipërinë, po rezulton e qëndrueshme dhe e suksesshme! Agresori nuk ka arritur të shembë sistemin e mbrojtjes dhe është në tërheqje! Nëse s’do kemi surpriza të tjera, shërbimet do rikthehen shumë shpejt!”.
Kundërofensiva e AKSHit dhe aleatëve në përballjen e agresionit kibernetik mbi Shqipërinë,po rezulton e qëndrueshme dhe e suksesshme!Agresori nuk ka arritur të shembë sistemin e mbrojtjes dhe është në tërheqje!Nëse s’do kemi surpriza të tjera,shërbimet do rikthehen shumë shpejt!
— Edi Rama (@ediramaal) July 18, 2022
