Kryeministri Edi Rama vijon të publikojë pamje nga intervista e fundit e kreut të PD-së Lulzim Basha, i cili ishte i ftuar në emisionin “Opinion”, ku mohoi të jetë financuar nga rusët.
Rama ka publikuar një video, ku Basha del blof, teksa shprehet se përkthimi është i gabuar dhe se është bërë nga zyrat e PS-së.
Por, menjëherë ka reaguar gazetari Fevziu, i cili i kërkon Bashës të mos ia lërë fajin PS-së, sepse përkthimin e kishte bërë vetë stafi i tij pak para fillimit të emisionit.
Ndërkohë, Rama ka një kërkesë për Bashën, të cili i kërkon që të shkojë e të rrëfehet në Prokurori, teksa shkruan:
“Jo, nuk është përkthim i gabuar! Koha për t’u rrëfyer në Prokurori, sepse këtë herë është në mes interesi i Shqipërisë dhe rruga drejt BE-së”.
