Pas mbledhjes së Asamblesë së PS, kryeministri Edi Rama ka bërë publik me anë të Facebook-ut dhe sloganin e zgjedhjeve vendore që do të zhvillohen vitin e ardhshëm.
Në faqen zyrtare të kryeministrit në Facebook, është publikuar mesazhi dhe logo-ja që do të shërbejë për fushatën që paraprin zgjedhjet e qershorit: “E gjithë vëmendja tek ju”.
Por ky slogan nuk i ka shpëtuar vëmendjes së qytetarëve, të cilët kanë shfryrë mllefin ndaj Ramës, duke i thënë se të gjithë politikanët mendojnë që të mbushin xhepat e tyre.
Mjaft të revoltuar, qytetarët kanë shprehur hallet, e ndërsa theksi bie tek premtimet e pambajtura nga ana e qeverisë. Një tjetër i kujton krimet e kapot e bandave, të cilët po bëjnë namin në Shqipëri. Qytetari i drejtohet Ramës duke i thënë se në çdo cep të vendit po vriten, po merren peng, e ndërsa shteti nuk po bën asgjë.
