Kryeministri Edi Rama ka publikuar sot disa pamje nga Qendra Historike e Voskopojës, për të cilën shkruan se ka rilindur.
“Ju uroj një ditë të mbarë me këto pamje mbresëlënëse nga Qendra Historike e rilindur e Voskopojës, ku ndërhyrjet për ruajtjen dhe nxjerrjen në dritë të vlerave të trashëgimisë tonë kulturore bashkë me shpëtimin e 4 kishave të vjetra të fshatit kanë hapur një faqe të re për cilësinë e jetesës dhe ekonominë e banorëve të zonës”, shkruan Rama teksa publikon videon në fjalë.
Të menjëhershme kanë qenë edhe reagimet e qytetarëve, të cilët nuk janë përmbajtur në komente, por kanë shprehur shqetësimet e tyre.
Një qytetar i thotë që të mos merret me gurët, por me ushqimet pasi po helmohemi cdo ditë:
“Shumë mirë që merreni me gurët por nuk do ishte më mirë të merreshit dhe me ushqimet se po helmohen shqiptarët. A nuk duhet të kenë radhë gjërat? Ahh kisha dhe diçka për policinë dhe gjykatat: A do bëhen ndonjë ditë apo si gjithmonë do ta hajë fukarai? Se mesa po shikojmë të fortëve policia dhe gjykatësi po jua depilojnë dita ditës”, shkruan një qytetar.
Ndërkohë, një tjetër qytetar e përgëzon për punën, ndërsa shton se kryeministri e ka lënë Lezhën pas dore:
“Zoti kryeministër të përshëndes dhe të them sinqerisht bravo. Po qytetin e Lezhës pse e le përgjysmë investimin, nuk e meriton Lezha këtë lënie mas dore pse ka fitu Fran Frroku nuk duhet te ndëshkohemi ne qytetarët e Lezhës. Shpresoj t’i kthehesh premtimeve që ke ba për qytetin duke i dhanë vlerat që i takojnë. Faleminderit.”
DISA NGA KOMENTET:
