Kryeministri Edi Rama ka publikuar sot letrën e javës, e cila ka në përmbajtje falendërime nga një mësuese, e cila shkruan se pas 10 vitesh filloi punë pas aplikimit në platformën online.
Por, ka mjaftuar kjo letër, që qytetarët të shpërthejnë ndaj kryeministrit, të cilin e kanë kritikuar për drejtuesit e zgjedhur në administratë, apo i kanë treguar përvojat personale, ku nuk kanë mundur të sigurojnë një vend pune.
Një qytetar e kritikon kryeministrin se ka mbushur administratën me njerëz me diploma Kristali:
“Ti e ke mbushur administratën me njerëz me diploma Kristali. Ka njerëz me doktoratura që do donin të jepnin kontributin për një qeverisje më të mirë. Njerëz profesionistë që kanë mbaruar shkollat jashtë Shqipërisë me kualifikime te shumta ne institucione Europiane por kur vjen puna përsëri këta me diploma fallco punëson. Asnjë ndryshim nga paraardhësit. Kërkoni të bëni vetting në çdo fushë, por vetting do të thotë dhënia e meritokracisë dhe e drejta e konkurrimit për çdo person. Vetëm kështu luftohet mediokriteti. Më vjen keq.”
Një tjetër qytetar ironizon, teksa shkruan se i bie që duhet të takosh kryeministrin apo ministren Nikolla për të siguruar një vend punë, ndërsa një komentues i kujton Ramës tragjedinë në Torovec, duke shtuar se Rama duhej të shkonte dhe të garantonte mbështetje për sigurinë e jetës së banorëve.
DISA NGA KOMENTET:
