Si çdo mëngjes, kryeministri ka zgjedhur t’u urojë një ditë të mbarë shqiptarëve me një video promovuese për vendin tonë. Rama ka publikuar disa pamje, ku turistët japin përshtypjet e tyre gjatë vizitave në zonat e trashëgimisë sonë historike në Amantia.
“MIRËMËNGJES dhe ju uroj një ditë të mbarë me këto mbresa të turistëve gjatë vizitave në zonat e trashëgimisë sonë historike e kulturore”, shkruan kryeministri në Facebook.
Si gjithnjë nuk kanë munguar kritikat, teksa shumë komentues i shkruajnë se nuk bëhen reformat në rrjetet sociale. Gjithashtu, të tjerë komentues, kanë shprehur pakënaqësitë e tyre me shërbimet publike, duke dhënë përvoja personale me shpresën se Rama do të ndërhyjë për t’i përmirësuar ato.
“O zoti Edi jam skandalizuar dje te konsultat te QSUT, është një punonjëse aty që i shan njerëzit e shkretë që vijnë nga gjithë Shqipëria nga halli duke i ofenduar idjota gomerë, të palarë, bëj një kontroll se është skandal dhe pa pikë frike, shko ankohuni ku të doni se nuk më bën njeri gjë”, shkruan qytetarja.
Të tjerë komentues i kujtojnë Ramës Ballist Morinën dhe kërkojnë të ndërhyjnë për mosekstradimin e tij në Serbi.
Më poshtë disa nga komentet:
