Kryeministri Edi Rama ka prezantuar sot ministren e re të Arsimit në vend.
Gjatë një takimi me ministren në largim Besa Shahini, Rama shprehu keqardhjen për largimin e saj nga posti dhe partia.
Evis Kushi do të jetë ministrja e re e Arsimit në Shqipëri. Kjo e fundit, deputete e PS në Elbasan tha se: “Është privilegj shumë i lartë, pas 7 vitesh në politikë të jem në ministri, përgjegjësi shumë e lartë”.
Nga ana tjetër, Besa Shahini u shpreh se: “Pata nderin që kam kontribuuar për Shqipërinë. Ne kemi tejkaluar sfida me rëndësi të tilla si tërmeti apo pandemia e koronavirusit. E doja Shqipërinë nga jashtë, ndërsa kur punova me mësuesit, e dua edhe më shumë. Mburrem me punën që kam bërë për arsimin e Shqipërisë. Politika nuk duhet që të përçajë kombin shqiptar. Jam e e angazhuar për një të majtë moderne”.
Shahini njoftoi pak ditë më parë se do të largohej nga partia dhe vendi në fund të mandatit. Por duket se largimi ishte më i afërt sa edhe vetë ajo kishte pritur.
