Kryeministri Edi Rama ka vazhduar fushatën me një takim elektoral ditën e sotme në Përmet, ku prezanton kandidaten e Partisë Socialiste, Alma Qamo (Hoxha). Shefi i qeverisë u shpreh se me Almën do të vazhdojmë në rrugën e duhur dhe në katër vitet e ardhshme do të bëjmë shumë punë.
Alma do të jetë kryebashkiakja e parë femër në Përmet, duke ironizuar edhe me shprehjen e famshme të Margaret Theçer, “nëse do të bësh muhabet merr burra, nëse do të mbarosh punë merr gratë”.
“Çka kemi bërë në këto katër vite flet më shumë se një mijë fjalë. Jam këtu mes jush për të mbështetur një grua, pasi u pamë hairin për 30 vjen burrave. Jam i sigurt që edhe ju në Përmet do të provoni atë që thoshte Margaret Thecer, “nëse do të bësh muhabet merr burra, nëse do të mbarosh punë merr gratë”. Almën e njoh si një aktiviste të zjarrtë kur ishim në opozitë dhe ajo do të bëhet kryetarja e parë grua në këtë bashki. Bashkë me Almën do të bëjmë shumë punë në 4 vitet e ardhshme”, u shpreh Rama.
Pavarësisht se Përmeti drejtohet nga një kryebashkiak i një forcë tjetër politike, Tërmet Peçi, Rama tha se me atë kemi gjetur gjuhën e përbashkët dhe kemi bërë shumë punë. Ai tha se projektet për Përmetin janë, tani duhet vetëm të ecim përpara.
