Përkrah shefes së Politikës së Jashtme të BE-së, Federica Mogherini, kryeministri Rama, në konferencën e përbashkët për shtyp përsëriti se Shqipëria pret hapjen e negociatave, sepse ka përmbushur detyrat e saj. Po kështu, Rama ka informuar publikun për diskutimin që pati në takimin me përfaqësuesen e lartë të BE-së.
“Folëm për terësinë e reformave të ndërmarra, pritshmëritë tona në vigjilje të daljes së raportit të progresit të KE-së, dhe për ecurinë e mëtejshme të të gjitha përpjekjeve në funksion të thellimit të reformave dhe transformimit të gjithë aspekteve të vendit falë reformave.
Nuk është sekret, ne presim vetëm një përgjigje nga KE, përgjigjen se i kemi kryer plotësisht detyrat e shtëpisë, dhe meritojmë çeljen e negociatave për anëtarësim”.
