Kryeministri Edi Rama ka zhvilluar një takim sot, ku është prezantuar me drejtorët e rinj të Hipotekave dhe ALUIZNI-t, në Ministrinë e Drejtësisë.
Gjatë fjalës së tij, Rama u tregua mjaft i prerë, teksa ua bëri të qartë drejtorëve të rinj se ishin në provë.
Po ashtu, Rama theksoi se këta punonjës duhet të fitojnë çdo ditë betejën që të paguhen me taksat e qytetarëve, ndërsa u kujtoi edhe rastin se 35 punonjës të Hipotekave po përballen me drejtësinë për shkak të abuzimeve me detyrën.
“Kam bindjen se jemi ne të parët, ministria e Drejtësisë, gjithë struktura përgjegjëse që duhet të bëjë verifikime të zgjedhjeve. Të gjithë jeni në provë, provën s’e keni me partinë, por me popullin shqiptar që vjen në dyert e Hipotekave. Po e ndaj Hipotekën nga ALUIZN-i. Ky i fundit ka shembuj të shkëlqyer brenda sistemit që të ndahet qartë shapi nga sheqeri. Lufta ndaj korrupsionit do të vazhdojë çdo ditë. Secili nga ju duhet ta ketë shumë të qartë që paguhet nga taksat e qytetarëve. Ne kemi nisur procesin e reformës rrënjësore të titujve të pronësisë. Ne do kemi krijuar agjencisë kombëtare të titujve të pronësisë. Për t’i dhënë fund ping-pongut të ecejakeve, që ALUIZ-ni ta njeh dhe Hipoteka s’ta jep. Janë 35 punonjës Hipotekash që janë larguar nga detyra dhe po përballen me ligjin”, tha Rama ndër të tjera.
