Kryeministri Edi Rama e ka pranuar publikisht se i ka dalë duarsh administrata publike. Ai denoncoi rastet se tani përgjatë kësaj fushate elektorale po jepen patenta pa provë. Ai theksoi se sistemi është tërësisht i rrënuar ndaj në drejtori të caktuara po shërbehet në mënyrë të paligjshme. Rama kërkoi që organet ligjzbatuese duhet të hetojnë rastet e dhënies së patentave pa provë.
“Në Shqipëri, tani në fushatën elektorale po jepen patenta pa provë. Kjo është një çështje që duhet ta investigojnë organet ligjzbatuese. Të jepet patenta pa provë është si t’i japësh tjetrit armë në dorë”, u shpreh Rama në emisionin “Tonight Ilva Tare”.
Për këtë arsye, Rama kërkon me ngulm që qytetarët të votojnë për të më 25 qershor në mënyrë që të rrisë cilësinë e shërbimit në administratë. Ndërsa pranoi se është ai fajtor që gjendja e shërbimeve në administratë. “Unë e kam fajin nëse doni të them kështu”, iu drejtua Rama moderatores, Ilva Tare.
