Pasi ka lexuar letrën e Metës në lidhje me mos dekretimin e Sandër Lleshit, kryeministri Rama vuri në dukje keqkuptimin që u krijua. Ai tha në Kuvend se i kishte çuar Metës dekretin për një ministër.
Po kështu Rama i mëshoi fort faktit se nuk e ka humbur besimin tek Meta, pasi nuk e ka thënë ende fjalën e fundit për këtë temë.
Sipas tij, letra e Metës është formuluar pa asnjë referencë ligjore.
Ja letra që mua më ka mbërritur të shtunën mbrëma:
Lënda: Kthim përgjigje mbi propozimin e emërimit të z. Sandër Lleshaj si Ministër i Brendshëm.
Z. Kryeministër, në përgjigje të shkresës suaj numër 494, datë 27.10.2018.
Lënda: Propozim për emërim ministri, nëpërmjet të cilës z. Sandër Lleshaj i propozohet Presidentit të Republikës për tu emëruar Ministër i Brendshëm, dëshiroj t’ju bëj me dije se:
Presidenti i Republikës në cilësinë edhe të kryetarit të Këshillit të Sigurisë Kombëtare, në mbështetje të Kushtetutës, nuk krijoi bindjen e plotë për ti dhënë besimin e tij kandidaturës së z. Sandër Lleshaj si Ministër i Brendshëm.
Në këto kushte, Presidenti i Republikës, nuk mund t’i përgjigjet pozitivisht propozimit tuaj për emërimin e z. Sandër Lleshaj në detyrën e Ministrit të Brendshëm.
“Kushtetua ja ka përcaktuar të 12 kompetencat e presidentit, dhe nuk figuron kompetencat e refuzimit të kryeministrit dhe të ministrave që gëzojnë besimin e kryeminatorit. Nëse do ekzistonte një kompetencë e tillë, nuk ka diskutim që paraardhësi i Metës do e kishte zbuluar.
Nishani e firmosi atë ministër me duart e lidhura nga Kushtetuta. Sepse Kushtetuta ua ka thënë qartë se nuk mund të ushtrojnë kompetencë tjetër. Kushtetuta nuk i njeh presidentit as shprehimisht dhe as me nënkuptim, por Meta ka referuar një letër pa asnjë referencë ligjore.
Pra presidenti nuk ka krijuar bindjen e plotë për t’i dhënë besimin ministrit. Keqkuptimi është se unë nuk i kam besuar kandidat për ministër, por i kam çuar dekretin për një ministër dhe jo për një kandidat. Presidenti nuk ka kompetencë për ta refuzuar”, tha Rama.
