Kryeministri Rama është treguar i prerë sa i takon vendimit të marrë për Sandër Lleshin. Gjatë mbledhjes së grupit të PS, ai ka thënë se presidenti Meta nuk ka dhënë asnjë arsye lidhur me vendimarrjen e tij. Ai po kështu i është drejtuar deputetëve, se kjo situatë e cila ka marë përmasa të mëdha, nuk është e tyre.
“Nuk duhet të biem në këtë situatë. Ne duhet ti dalim për zot situatës. Presidenti nuk dha asnjë arsye. Kjo situatë nuk është e jona”, ka thënë ai.
Burime nga grupi parlamentar i PS bëjnë të ditur se Sandër Lleshi do emërohet zëvendësministër i Brendshëm, ku do t’i delegohen kompetencat e Ministrit të Brendshëm. Emërimi i Sandër Lleshit në postin e zv/ministrit, do të bëhet me një vendim qeverie.
