Gjatë fjalës së marrë në Kuvend, Rama nuk ka munguar me mesazhet e tij të koduara për vendimin e Metës, teksa tha se shpreson shumë që refuzimi të mos lidhet me frikën e Presidentit, nga pastërtia e tejskajshme e figurës së Lleshit.
“Koha më ka mësuar që të mos e them fjalën e fundit. Sot ne votojmë shkarkimin e Fatmir Xhafës, më pas do të vendosim në qeveri Ministrin e Brendshëm të refuzuar nga Presidenti për dekretim. Dhe do t’i japim ca ditë kohë jo vetëm Presidentit që ta bluajë dhe të punojë për të krijuar bindjen e plotë, por edhe vetes”, tha Rama.
Rama shtoi se Lleshi është njeriu i duhur, në vendin e duhur.
Po kështu, Kuvendi ka miratuar dekretin e presidentit Ilir Meta për shkarkimin e ministrit Fatmir Xhafaj, pas dorëheqjes së tij rreth 1 javë më parë.
Kuvendi ka miratuar me 75 vota pro, asnjë kundër dhe asnjë abstenim dekretin për shkarkimin e Fatmir Xhafës. Vetë Fatmir Xhafaj ka vendosur të braktisë sallën e Parlamentit, në momentin që Parlamenti votoi për shkarkimin e tij nga detyra.
