Kryeministri Edi Rama ka bërë me dije se do të ndalohen pagesat e qirave nga ana e bizneseve të vogla dhe familjarëve, që kanë ndaluar punën për shkak të situatës së krijuar nga përhapja e koronavirusit.
Përmes një postimi në Facebook, Rama thekson se nga ky akt normativ mund të përfitojnë edhe ata që kanë humbur punën në të zezë, por vetëm nëse e denoncojnë punëdhënësin e tyre.
Kreu i qeverisë i bëri thirrje qiradhënësve që të mos ia kërkojnë qiranë këtyre subjekteve, përndryshe do të penalizohen me gjoba.
Postimi i plotë:
? ME AKTIN NORMATIV PËR MASAT E VEÇANTA DO TË NDALOHEN PAGESAT E QERAVE NGA ANA E BIZNESEVE TË VOGLA DHE FAMILJARËVE TË REGJISTRUAR NË PUNË, QË KANË NDALUAR PUNËN PËR SHKAK TË LUFTËS!
KUSH KA HUMBUR PUNËN NË TË ZEZË DHE KA KËTË HALL, MUND TË PËRFITOJË NGA KJO MASË VETËM DUKE DENONCUAR PUNËDHËNËSIN!
? QERADHËNËSIT DO TË NDALOHEN T’U KËRKOJNË PAGESËN MUJORE KËTYRE SUBJEKTEVE OSE DO TË PENALIZOHEN ME GJOBË SA PESËFISHI I VLERËS SË QERASË PËRKATËSE!
? PËR ÇDO RAST PRESIONI NGA QERADHËNËSIT, SUBJEKTET QERAMARRËS TË DY KATEGORIVE TË MËSIPËRME, TË DREJTOHEN NË FAQEN ONLINE TË DREJTORISË SË PËRGJITHSHME TË TATIMEVE!
*kjo luftë kërkon medoemos që kushdo ka një mundësi më shumë, të solidarizohet me fakte jo me fjalë, për këdo që s’ka asnjë mundësi të mbijetojë pa solidaritet
