Rama ka vlerësime mjaft pozitive për Bashkinë më të madhe në vend, ajo e Tiranës, ku sipas tij, po ecën në rrugën e duhur. Reagimi i tij pason pas intervistës së dhënë nga Veliaj një ditë më parë, ku do të kërkojë për një mandat të dytë. Kryebashkiaku Erion Veliaj është shprehur i gatshëm që të kandidojë për një mandat të dytë në krye të Bashkisë së Tiranës.
https://tiranatoday.com/veliaj-ne-vend-te-rames-ska-me-surpriza-ja-planet-brenda-ps-se/
I ftuar në “Pushime on Top”, ai ka folur edhe për marrëdhënien me kryeministrin Edi Rama, duke deklaruar se ndihej i nderuar që bashkëpunonte me të çdo ditë, për transformimin e qytetit dhe se ata të dy ishin një ekip.
Dhe sot duket se Rama ia ka kthyer me të njëjtën monedhë ‘nderin’.
“Këshillat bashkiakë do të mundohemi që të jenë 50% gra, dhe 50% burra. Tirana është në rrugën e duhur, po bëhet maksimumi. Edhe në bashki të tjera, unë mendoj se po bëhet një punë e madhe.
Po bëhet një punë goxha sistematike, dhe po bëhen punët me radhë. Shteti, Shqipëria u bë si Bathorja, një këtu dhe një atje, kioska, lavazhe, kemi akoma shumë punë, për të pastruar këtë trashëgimi.
Nëse Reforma në Drejtësi do të ishte bërë më parë, sot do të ishim një vend tjetër”, u shpreh Rama, teksa ishte mes të rinjve socialistë në Jalë.
