Kreut të qeverisë duket se nuk ia ndjen shumë për fatin e banorëve të zonës së Shkozës. Nga Nju-Jorku, kryeministri Rama bëri të ditur se banorët nuk meritojnë të dëmshpërblehen për shtëpitë e shembura. Për të, Shkoza nuk përfaqëson asgjë.
“Shkoza s’përfaqëson asgjë dhe s’meriton besoj koment deri në Uashington dhe Nju Jork. Është një proces si shumë procese të tjera, ku ka qenë e domosdoshme të shemben ndërtime pa leje aty pengohet zhvillimi i infrastrukturës për të mirën e përbashkët. Kush ka ndërtuar pa leje, duke zënë akset kryesore, duke zënë hapësirat e zhvillimit, patjetër që s’mund të pretendojë të përkëdhelet, dëmshpërblehet dhe as shpronësohet”, tha Rama në një intervistë për “Zërin e Amerikës”.
Ndërsa shtoi se “ti japim mundësinë (banorëve) për një qiraje të paguar nga komuniteti për një periudhë të caktuar deri sa familjet të akomodohen aty ku të gjejnë mundësi me forcat e tyre”
