Sikundër kishte paralajmëruar, kryeministri Rama, në një lidhje me anë të Facebook-ut përcolli mesazhin se dialogu me studentët është i domosdoshëm. Ai i mëshoi faktit se Qeveria nuk kërkon negociata, por dialog. Sipas tij, protestat organizohen për tu dëgjuar, ndaj duhet gjetur një rrugë e përbashkët.
“Studentët kanë dalë në një protestë, dhe po prej tre ditësh unë i kam kërkuar që të ulemi dhe të diskutojmë. Kjo nuk është bërë e mundur deri në këtë moment. Eshtë e para herë në historinë e protestave që jo qeveria, por protestuesit thonë që nuk duam të flasim.
Dhe sidoqoftë, jam këtu. Besoj se dialogu është i dosmosdoshëm dhe sidoqftë do vijoj të komunikoj dhe të përpiqem se pse dialogu është rruga. Së pari dua të theksoj shumë qartë, nuk kam kërkuar, qeveria nuk kërkon negociata. Qeveria kërkon dialog, studentëve iu them dhe kam një dallim. Negociohet mes palëve në konflikt, ne nuk jemi në konflikt.
Pra nuk kemi çfarë negociojmë, por kemi domosdosmërinë të bisedojmë. Plotëso kërkesat tona. Unë kam 7-8 lista me kërkesa të ardhura nga rruga të ndryshme të protestës, kemi angazhuar njerëz”, tha Rama.
